About Us

Deasc Cláraithe Nua in Aerfort Bhaile Átha Cliath

Nochtaigh Údarás Aerfort Bhaile Átha Cliath an deasc cláraithe is nuaí san aerfort go hoifigiúil inniu, Dé Céadaoin, 4 Aibreán 2007.

Léiríonn Limistéar Cláraithe 14 an chéad phíosa ollmhór d'acmhainn bhreise a bheidh ag paisinéirí a úsáideann T1.   Tá thart ar cheathrú den spás atá san Urlár Imeachta reatha ag Limistéar 14 agus é os cionn 1,000 méadar cearnach. 

Tá an tsaoráid nua seo in ann suas le 4 milliún paisinéir a láimhseáil in aghaidh na bliana agus maolóidh sé an plódú go mór ar an Urlár Imeachta.

Dheimhnigh an DDA freisin gurb é Aer Lingus an t-aon aerlíne a bhainfidh úsáid as Limistéar 14.  Tá sé i gceist ag an aerlíne beagnach leath dá chuid paisinéirí a bheidh ag imeacht as an aerfort a chlárú tríd an tsaoráid nua seo i mbliana.  I ndiaidh tréimhse trialacha, beidh an limistéar nua ag feidhmiú go hiomlán in am do bhuaicmhíonna an tSamhraidh.

Seachadadh an tsaoráid nua in am agus ar bhuiséad a chosain €15 milliún.

Ag labhairt dó ag seoladh Limistéar 14, dúirt Stiúrthóir Aerfort Bhaile Átha Cliath, Robert Hilliard “Creidimid go bhfuil saoráid chláraithe bhríomhar cruthaithe againn a rachaidh i gcion go mór ar dhaoine.  Níl i Limistéar 14 ach an chéad cheann de roinnt tionscadal suntasach a chuirfidh athrú mór ar an taithí a gheobhaidh paisinéirí ar Aerfort Bhaile Átha Cliath sna trí bliana amach romhainn.

Osclóidh Piara D, le 12 geata bordála nua i bhFómhar na bliana seo. Táimid ar thóir cead pleanála faoi láthair chun síneadh a chur le T1 a osclóidh roimh dheireadh na bliana seo chugainn agus, faoi réir ag cead pleanála, tosófar ag tógáil dara críochfort paisinéirí an aerfoirt, T2, an samhradh seo agus osclófar é roimh dheireadh 2009."

Tá Aerfort Bhaile Átha Cliath ag súil le 14.5 milliún paisinéir idir Aibreán agus mí Dheireadh Fómhair na bliana seo - méadú 7% ar an tréimhse chéanna i 2006.
 
Láimhseálfaidh an t-aerfort beagnach 1m paisinéir breise le linn an tréimhse 7 mhí seo lena n-áirítear 2 milliún paisinéirí sa mhí idir Bealtaine agus Meán Fómhair.    Tá tús curtha cheana féin le ceithre cinn déag de bhealaí/seirbhísí nua go dtí seo i mbliana, agus táthar chun tús a chur le 10 eile idir Bealtaine agus Lúnasa.

Thug an DAA cuntas ar roinnt bearta chun cuidiú leis an líon breise paisinéirí a éascú an Samhradh seo, mar shampla:

  • Comhordú sliotáin iomlán – is fearr a dhéanann aerfoirt chomhordaithe bainistiú ar buaic-amanna teachta agus imeachta a gcuid aerárthach, rud a mhaolaíonn cuid den bhrú a bhíonn ar phaisinéirí ag buaicphointí.
  • 2 Bhealach Slándála nua, rud a thugann an t-iomlán i bPiara A go dtí 11 agus 18 ar an iomlán.
  • Oiliúint á chur ar 100 foireann slándála breise i láthair na huaire – 520 ar an iomlán
  • 4,000 Tralaí Paisinéirí nua don Aerfort
  • €10m infheistithe le gairid sa charrchlós agus sa chóistechlós uasghrádaithe
  • Os cionn 2,000 spás páirceála fadtéarmacha nua do charranna
  • Uasghrádú ollmhór ar shiopaí lónadóireachta ar an Idirurlár, a bheidh ar oscailt in am do shéasúr an tSamhraidh.

  • Anuas ar Limistéar nua 14 a seoladh inniu, sheol an DAA feachtas díreach eolais nua freisin do phaisinéirí a théann tríd Aerfort Bhaile Átha Cliath. Glaoitear  “Ag Athrú Aerfort Bhaile Átha Cliath,” ar an bhfeachtas seo a thabharfaidh eolas do phaisinéirí faoi na pleananna sonraithe atá ag an DAA saoráidí paisinéirí ag an aerfort a shíneadh agus a fheabhsú go mór thar na trí bliana seo amach romhainn agus ina dhiaidh sin.

    Úsáidfidh an feachtas póstaeir agus meirgí móra timpeall an aerfoirt chun na saoráidí nua cláraithe, piara agus críochfoirt a bheidh ag teacht isteach thar na chéad trí bliana eile a thaispeáint, chomh fada le T2 agus sin san áireamh.  Úsáidfear bealaí eolais díreacha eile freisin lena n-áirítear bróisiúir – scaipfear 100,000 go díreach ar phaisinéirí sa chéad choicís eile – scáileáin eolais an aerfoirt, láithreáin ghréasáin ÚABÁC agus Aerfort Bhaile Átha Cliath agus fógraíocht dírithe ar na meáin. 

Críoch
4 Aibreán 2007

Nóta an Eagarthóra:

  • Príomhchonraitheoir: PJ Hegarty & Sons
  • Ailtirí: Moloney O'Beirne & Capita Ruddle Wilkinson i gcomhar le Pinniger & Partners
  • Soilsiú le: Gillespie UK
  • Soilsiú ar leith do Aerfort Bhaile Átha Cliath
  • Saincheaptha
  • 56 solas diosca síleála

Chun tuilleadh eolais a fháil, téigh i dteagmháil le:
Siobhán Moore – 087.2710065
Vincent Wall – 087.6860727