Top Level Content Navigation:
Taispeánann figiúirí oifigiúla dheireadh na bliana a d'eisigh Aerfort Bhaile
Átha Cliath an 24 Eanáir, gur thaisteal breis agus 2.7 milliún paisinéir breise
tríd an aerfort anuraidh, a léiríonn ardú 15% ar 2005. Bhain breis agus
21.1 milliún paisinéir úsáid as Aerfort Bhaile Átha Cliath in
2006.
Tháinig méadú suntasach 25% ar thrácht Eorpach le breis agus 10
milliún paisinéir ag taisteal in 2006. Tharla an fás seo trí
theaglaim de bhealaí nua Eorpacha agus aerárthaí níos mó a bheith ag feidhmiú ar
sheirbhísí reatha. Is é margadh na hEorpa anois an earnáil bhealaigh is mó
atá ag Aerfort Bhaile Átha Cliath, chun cinn anois ar mhargadh na RA .
Baineadh amach fás suntasach ar bhealaí Mheiriceá Thuaidh chomh maith le
méadú 8% ar líon na bpaisinéirí. Thaisteal breis agus 1.3 milliún
paisinéir ar an iliomad seirbhísí trasatlantacha go dtí agus ó Aerfort Bhaile
Átha Cliath. Tacaíodh le fás ar an mbealach seo le seirbhísí laethúla nua
ar bhealaí Nua-Eabhrac agus Newark.
Tháinig fás 4% ar thrácht go dtí an
RA agus uaithi le breis agus 8.6 milliún paisinéir ag taisteal anuraidh agus
d'éirigh go maith le trácht intíre chomh maith, le méadú 25% go dtí breis agus
810,000 paisinéir.
B'fhiú a thabhairt faoi deara gur tháinig méadú
suntasach ar líon na bpaisinéirí ag taisteal go dtí an Pholainn agus uaithi, go
dtí an Réigiún Baltach agus uaidh, agus go dtí an Meánoirthear agus uaidh, in
2006. Tháinig an méadú ba mhó i margadh na Polainne, inar fhás
líon na bpaisinéirí ó 143,000 in 2005 go dtí breis agus 580,000 in 2006. Ar
an gcaoi chéanna, d'fhás na bealaí Baltacha le chéile (an Eastóin, an Laitvia
agus an Liotuáin) ó 174,000 paisinéir in 2005 go dtí breis agus 340,000
paisinéir in 2006. Thaisteal breis agus 95,000 paisinéir go díreach
ó/go dtí an Meánoirthear le linn 2006.
Ba bhliain thar a bheith gnóthach
arís í an bhliain seo caite d'Aerfort Bhaile Átha Cliath le:
Tá an líon is mó aerlínte riamh ag Aerfort Bhaile Átha Cliath anois, le
97 aerlíne sceidealta agus cairte a eitlíonn go dtí breis agus 180 ceann scríbe
idirnáisiúnta agus tá a thuilleadh fós le teacht. Tá sé beartaithe 20
bealach/seirbhís nua a sheoladh sa chéad sé mhí de 2007.
Agus é ag caint faoin bhfeidhmíocht anuraidh, dúirt Stiúrthóir Aerfort
Bhaile Átha Cliath, Robert Hilliard: "ba bhliain an-ghnóthach, dúshlánach agus
rathúil é 2006 d'Aerfort Bhaile Átha Cliath agus cé go bhfuiltear ag súil le fás
sa bhreis ar aon mhilliún ar líon na bpaisinéirí i mbliana feicfidh úsáideoirí
an aerfoirt torthaí inbhraite ar ár bpleananna chun freastal ar an bhfás seo le
hacmhainn bhreise ag teacht chun cinn.
Cuirfear Limistéar Cláraithe 14 i
bhfeidhm gan mhoill agus beidh sé ar a chumas plé le 3-4 mhilliún paisinéir ag
dul amach gach bliain. Tabharfaidh an limistéar nua seo, le 25 deasc
chláraithe bhreise, faoiseamh suntasach d'Urlár na nEitiltí Amach. Chomh
maith leis sin, táthar ag leanúint ar aghaidh go tapa le hobair ar an áis mhór
bordála paisinéirí nua, ar a dtugtar Cé D, atá le bheith curtha i gcrích i
nDeireadh Fómhair na bliana seo; tá obair ullmhúcháin ar bun le haghaidh
éisteacht bhéil ag an mBord Pleanála mar chuid den phróiseas achomhairc maidir
le T2 agus tá an fhaisnéis bhreise, a d'iarr an Bord Pleanála, á cur le chéile
maidir leis an rúidbhealach nua atá molta" a dúirt an tUasal
Hilliard.
Críoch
24 Eanáir, 2007
Secondary Content Navigation:
