Plan Your Trip

Clárú

Tá gach deasc cláraithe ag Aerfort Bhaile Átha Cliath lonnaithe ar an dara hurlár d'fhoirgneamh an chríochfoirt.  Taispeántar uimhreacha agus cinn scríbe na n-eitiltí amach ar fad sna painéil faisnéise os cionn limistéir cláraithe 7 agus 8. Taispeánfaidh na painéil seo an limistéar cláraithe inar chóir duit clárú do d'eitilt. Bíonn tráthanna cláraithe difriúla ag aerlínte difriúla. Téigh i dteagmháil leis an aerlíne nó le hionadaí na haerlíne le haghaidh comhairle shonrach faoi thráthanna cláraithe a fháil.

Soláthraíonn ár léarscáil idirghníomhach den urlár imeachtaí sonraí breise.

Tráthanna cláraithe

Mar threoir ghinearálta,

• I gcás eitiltí cianaistir, is féidir le deasca cláraithe a bheith oscailte suas le trí uair an chloig roimh am imeachta sceidealta na heitilte.
• I gcás eitiltí Eorpacha, is féidir le deasca cláraithe a bheith oscailte suas le dhá uair an chloig roimh am imeachta sceidealta na heitilte.
• Is féidir clárú d'eitiltí intíre in Éirinn agus don Ríocht Aontaithe idir 90 nóiméad agus dhá uair an chloig roimh am imeachta sceidealta na heitilte.
  

Féinchlárú agus clárú Ar Líne

Tá féinchlárú (.i., clárú ar líne agus bothanna féinchláraithe) ar fáil do roinnt paisinéirí atá ag eitilt amach ón aerfort. Baineann roinnt aerlínte sceidealta úsáid as clárú ar líne agus teicneolaíochtaí gréasáin chun clárú luath, roghnú suíocháin agus eisiúint cártaí bordála a chur ar fáil dá bpaisinéirí.

Bealach maith é sin le ham a shábháil ar do thuras. Roghnaigh ó na naisc aerlínte thíos le fáil amach an bhfuil an tseirbhís seo á cur ar fáil do do cheann scríbe. Cabhróidh foireann na haerlíne leat chun é seo a dhéanamh, más gá.

Ag eitilt le Ryanair ó Bhaile Átha Cliath .

Ag eitilt le hAer Lingus ó Bhaile Átha Cliath

Ag eitilt le bmi ó Bhaile Átha Cliath

Ag eitilt le Scandanavian Airlines ó Bhaile Átha Cliath .

Ag eitilt le British Airways ó Bhaile Átha Cliath

Ag eitilt le hAir France ó Bhaile Átha Cliath

Coinnigh súil ar do chuid bagáiste agus bí cúramach le cártaí creidmheasa, pasanna agus cáipéisí tábhachtacha eile agus tú ag baint feidhm as bothanna féinchláraithe san aerfort.

Limistéir Bordála A, B agus C

Coinnigh súil ar na scáileáin faisnéise atá scaipthe ar fud na limistéar siopadóireachta agus bordála. Taispeánann na scáileáin seo na heitiltí amach do do cheann scríbe, mar aon le tráthanna bordála agus uimhreacha geata. Go hiondúil, tosaíonn bordáil timpeall is 45 roimh am imeachta, D'fhéadfadh sé seo bheith difriúil i gcás eitiltí cianaistir agus gearraisti.